Bëju pjesë

Apel për kontribut

Për ngritje donacionesh në ndihmë të familjeve në nevojë 
si pasojë e situatës së krijuar prej Covid-19

Në këto momente të vështira për të gjithë, nisur nga përballja me virusin dhe pasojat ardhura nga pandemia si kufizimi i lëvizjes, izolimi, shqetësimi i vazhdueshëm dhe pamundësia për të vazhduar jetën normalisht, shumë persona tashmë janë duke u përballur me mjerimin dhe mungesën  e ushqimeve bazë për mbijetesë. Familje në nevojë, të moshuar, qytetarë të izoluar, që deri dje në vështirësi për t’u integruar në tregun e punës, kanë siguruar të ardhurat me punë informale, e sot fëmijët e tyre përballen me pamjaftueshmërinë. Izolimi e mbyllja e shumë bizneseve, ka bërë që shumë familje me të ardhura të pakta financiare të gjenden sot akoma më shumë në vështirësi. Shpresa mbetet tek përgjigja institucionale por dhe tek mobilizimi dhe kontributi i gjithësecilit dhe gjithësecilës nga ne, duke mos lënë askënd të braktiksur në këtë betejë.

Platforma #Mëmirësëbashku është bërë urë lidhëse me donatorë, individë, aktorë të institucioneve publike si Bashkitë, NJMF-të të cilat falë edhe kontributit bujar të qytetarëve të thjeshtë kanë arritur të ndihmojnë individë e familje që sot janë më në nevojë se kurrë.

Le të bëhemi së bashku duke mos lejuar që kjo pandemi të jetë më e fortë se solidariteti jonë. Përmes platformës sonë keni mundësi të kontaktoni drejtpërdrejt me organizata të ndryshme, që aktualisht janë duke ju ardhur në mbështetje personave në nevojë dhe duke shpërndarë paketa ushqimore dhe higjenike në Shkodër, Durrës, Elbasan, Tropojë, Tiranë, Peshkopi, Sarandë, Vlorë (presim të zgjerojmë këtë listë së shpejti) apo duke mbështetur në aspekte të ndryshme: psikologjike, ligjore, edukative e të tjera në të gjithë Shqipërinë. 

Gjithashtu, kontributi juaj mund të jepet edhe duke kontaktuar direkt punonjësit e institucioneve publike në të gjithë Shqipërinë.

Sot ti mund të bëhesh hero edhe nga shtëpia duke dhuruar apo duke u bërë vullnetar ose vullnetare.

#NeJemiTëGjithë

#NeJemiMëMirëSëBashku

Për donacione tek Organizata jo-fitimprurëse pjesë e Më Mirë Së Bashku:

Organizata “Të Ndryshëm & Të Barabartë” (Tirane): Shërbime cilësore për ri/integrimin e viktimave të trafikimit, të shfrytëzimit dhe të abuzimit, dhe për të përmirësuar kontekstin ligjor, institucional dhe social për të parandaluar dhe luftuar këto shkelje të të drejtave të njeriut. Ofron: Ndihma me paketa ushqimore. Donacionet në forme financiare (nje pjese e tyre shkojne per pagesa qeraje te personave ne nevoje). Te dhenat bankare: IBAN: AL 84 20 811 00 800 00 00 10 33 83 18 01, Account number: 1033831801, Swift Code : USALALTR Informacion kontakti: Tel: +355 (4) 222 18 92, E-Mail: different&equal@icc-al.org

Qendra "Gratë në Shërbim Publik"/ WPS Albania (Kamëz, Tropojë): Shtresat vunerabël, kryesisht gratë e papuna, kryefamiljare, që janë vetë ose kanë fëmijë me nevoja ndryshe si dhe romët. Ofron: Paketa ushqimore dhe higjenosanitare. Donacionet ne formë financiare. Te dhenat bankare per euro: IBAN; AL64210113280000000001986844 Llogaria; 001986844 (euro) SWIFT; EMPOALTR- American Bank Of Investments S.A / / / Ne lek: IBAN: AL60210113280000000001973433 Llogaria; 001973433 SWIFT; EMPOALTR- American Bank of Investments S.A. Informacion kontakti: 0672083581.

Më Mirë Së Bashku mund të referojë dhe tek organizata në rrethet: Shkodër, Durrës, Elbasan, Tropojë, Tiranë, Peshkopi, Sarandë, Vlorë

Kujtojmë platforma të tjera të rëndësishme si:

Fundjave Ndryshe (Tirane): Donacionet në forma financiare nëpërmjet: Go Fund Me.